नाशिक । लोकसभा सार्वत्रिक निवडणूक-2024 चा अखेर मुहूर्त ठरला असून शनिवारी (दि.16) दुपारी तीन वाजता निवडणूक आयोगाकडून घोषणा होणार आहे. देशभरातील लोकसभा निवडणूक व काही राज्यातील विधानसभा निवडणुकांचे वेळापत्रक उद्या दुपारी तीन वाजता जाहीर करण्यात येणार आहे.
निवडणूक आयोगाने मागील 2019 च्या सार्वत्रिक निवडणूक वेळापत्रक 10 मार्च 2019 रोजी जाहीर केले होते, 11 एप्रिल 2019 पासून सुरु झालेल्या निवडणुकीत देशभरात सात टप्प्यात मतदान घेण्यात आले होते. तर लोकसभा निवडणुकीचा निकाल 23 मे 2019 रोजी घोषित करण्यात आला होता. त्यामुळे यंदाच्या होणा-या निवडणुकीच्या वेळापत्रकाकडे देशाचे लक्ष लागून आहे.
