ब्रेकिंग: मराठा आंदोलकांच्या सर्व मागण्या मान्य
मनोज जरांगे-पाटील यांच्या भेटीला मुख्यमंत्री एकनाथ शिंदे येणार. थोड्याच वेळात विजयी सभा
श्रीधर गायधनी नाशिक
राज्य सरकारने मनोज जरांगे-पाटील यांच्या सर्व मागण्या मान्य केल्या असून सरकारने मध्यरात्री अध्यादेश देखील काढला आहे. त्यामुळे मराठा समाजाला यश मोठं यश मिळालं आहे.
आज सकाळी ८ च्या दरम्यान राज्याचे मुख्यमंत्री एकनाथ शिंदे नवी मुंबईतील वाशी येथे दाखल होणार असून मनोज जरांगे त्यांच्या उपस्थितीत उपोषण सोडणार असल्याची माहिती समोर आली आहे. दरम्यान वाशीतील छत्रपती शिवाजी महाराज चौकात एक मोठी विजयी सभा देखील मनोज जरांगे पाटलांची होणार आहे. या सभेची जोरदार तयारी सध्या सुरु आहे.
आमचा विरोध आता संपला आहे. आमच्या मागण्या मान्य करण्यात आल्या आहेत, असं मनोज जरांगे यांनी सांगितले.
वाशी येथील मध्यरात्री पत्रकार परिषदेत मनोज जरांगे यांनी ही घोषणा केली. आज सकाळी मुख्यमंत्री एकनाथ शिंदे यांच्या हस्ते मी ज्यूस पिऊन उपोषण सोडणार असल्याचे समजते.
राज्य शासनाच्या वतीने मंत्री दीपक केसरकर व मंगलप्रभात लोढा यांनी मध्यरात्री मराठा आंदोलक मनोज जरांगे पाटील यांची भेट घेऊन शासनाची भूमिका मांडली.
