देवळाली कॅम्प । देवळाली मतदार संघाचे माजी आमदार स्व. बाबुलाल सोमा आहिरे बहुउद्देशीय सेवाभावी संस्थेच्या माध्यमातून देवळाली हायस्कुलच्या विद्यार्थ्यांना क्रीडा साहित्य भेट घेण्यासाठी आर्थिक मदत करण्यात आली आहे.
देवळालीच्या आ. सरोज आहिरे व डॉ प्रवीण वाघ यांनी देवळाली मतदारसंघातील देवळाली कॅम्प भागातील विद्यार्थ्यांना क्रीडा साहित्य खरेदीसाठी आर्थिक रकमेचा धनादेश नुकताच प्रदान करण्यात आला आहे.
खेड्यातून नामशेष होत चाललेल्या आट्यापाट्या या खेळाला चालना मिळावी, यासाठी मदत केल्याचे संस्थेचे पदाधिकारी डाॅ. प्रवीण वाघ यांनी सांगितले. संस्थेच्या माध्यमातून देवळाली मतदारसंघात विविध सामाजिक उपक्रम राबविले जात असून गरजू रुग्णांसह खेळाडूंना प्रोत्साहन मिळावे यासाठी आर्थिक मदत देण्यात आली आहे.
