नाशिक । प्रभू रामचंद्राचा धनुष्यबाण नाशिक मध्येच राहणार असून शिवसेनेचे खा. हेमंत गोडसे यांना तिस-यांदा लोकसभेत पाठवण्याचे आवाहन खा. डाॅ. श्रीकांत शिंदे यांनी नाशिक येथील मेळाव्यात करताच उपस्थितांनी एकच जल्लोष केला.
महायुती कडून नाशिक लोकसभा मतदारसंघातून भाजपाने दावा केलेला आहे. त्यानंतर दोन दिवसापुर्वी लोकसभेसाठी इच्छुक असलेले प.पू. शांतिगिरी महाराज यांनी मुख्यमंत्री एकनाथ शिंदे यांची भेट घेतल्याने चर्चांना उधान आले होते, दिल्लीत जागा वाटपाचा तिढा सुटलेला नसल्याने खा. हेमंत गोडसे यांच्या उमेदवारीवर विरोधक प्रश्न उपस्थित करत होते.
मंगळवारी (दि.12) नाशिक मधील दादासाहेब गायकवाड सभागृहात झालेल्या शिवसेनेच्या मेळाव्यात खा.डाॅ. श्रीकांत शिंदे यांनी आपल्या भाषणातून खा. हेमंत गोडसे यांच्या उमेदवारीबाबत स्पष्ट संकेत देताच उपस्थित खा. गोडसे समर्थकांनी एकच जल्लोष केला.
