नमस्ते नाशिकचा उपक्रम । दिंडोरी तालुक्यातील वारे येथील शाळेतील ३६६ विद्यार्थांना मोफत स्वेटरचे वाटप
नाशिक : नमस्ते नाशिक फाउंडेशनच्या वतीने दिंडोरी तालुक्यातील कै.शालिनीताई बिडकर प्राथमिक व माध्यमिक आश्रम शाळेतील ३६६ गरजू विद्यार्थ्यांना मोफत स्वेटर वाटप करण्यात आले.
दिंडोरी तालुक्यातील वारे येथे शनिवारी (दि. १६ ) झालेल्या कार्यक्रमाच्या अध्यक्षस्थानी फाउंडेशनच्या स्नेहल देव व प्रमुख पाहुणे म्हणून बार कौन्सिल ऑफ नासिक तथा मप्रवि चे सरचिटणीस ॲड. नितीन ठाकरे, कर्नल मच्छिंद्र शिरसाट, तहसीलदार पंकज पवार ,नमस्ते नाशिकचे खजिनदार संदीप देव, मयूर कोठावदे, सुनील कोटकी, नीता मालपुरे, महेश भोये, समृद्धी महाजन, समीर मालपुरे, नीता शेवाळे, जनार्दन गायकवाड आदी उपस्थित होते.
