भाजप नेत्या व कॅन्टोन्मेंट बोर्डाच्या लोकनियुक्त सदस्या प्रितम आढाव यांच्या वतीने आयोजित हळदी कुंकू कार्यक्रमात देवळाली मतदारसंघातील हजारो महिलांचा सहभाग, प्रथम विजेत्या नेहा चौधरी यांना इलेक्ट्रीक दुचाकी, सोन्याची नथ व पैठणी देण्यात आली, तर इतर महिलांना भरघोस बक्षिसांचे वाटप करण्यात आले.
श्रीधर गायधनी । नाशिक – 8888856677
देवळाली कॅम्प परिसरात संपन्न झालेल्या हळदी कुंकू निमित्त न्यू होम मिनिस्टर कार्यक्रमात विविध मनोरंजनाच्या खेळात विजेत्या महिलांना भरघोस बक्षिसांचे वाटप करण्यात आले, प्रथम विजेत्या नेहा चौधरी या दुचाकी विजेता ठरलेली सामान्य कुटुंबातील महिलेला आनंदाश्रू अनावर झाले होते. न्यू होम मिनिस्टर कार्यक्रमात हजारो महिलांनी उत्स्फूर्त सहभाग घेतला होता.
देवळाली विधानसभा मतदारसंघातील भाजप पक्षाकडून इच्छूक भाजपच्या नेत्या व कॅन्टोन्मेंट बोर्डाच्या लोकनियुक्त सदस्या प्रितम आढाव यांच्या वतीने मंगळवारी (दि.30) सायंकाळी लॅमरोड भागात आयोजित कार्यक्रमात हळदी कुंकू च्या कार्यक्रमाचे निमित्ताने महिलांसाठी न्यू होम मिनिस्टर हा मनोरंजनाचा कार्यक्रम संपन्न झाला. देवळाली मतदार संघातील हजारो महिलांनी कार्यक्रमाला गर्दी केली होती.
प्रथम विजेत्या नेहा निलेश चौधरी यांना इलेक्ट्रीक दुचाकी व सोन्याची नथ आणि पैठणी प्रितम आढाव व मान्यवरांच्या हस्ते देण्यात आली. नेहा या सामान्य कुटुंबातील असून शेवगे दारणा येथील नेहा यांचे नाव घोषित होताच, उपस्थित सर्व महिलांनी जल्लोष केला, नेहा यांनी व्यासपीठावर ठेका धरल्याने उपस्थित हजारो महिलांनी उत्स्फूर्त प्रतिसाद दिला. राशी शिंदे (बेलतगव्हाण) यांना एअरकंडिशनर, रोहिणी भोर (बेलतगव्हाण) ओवन, माया दीपक नुनसे (संसरी) स्मार्ट टीव्ही, कविता नरेश गुरव-वाशिंग मशिन अशी बक्षिसे वाटप करण्यात आले.
