नाशिक । देशात होऊ घातलेल्या विधानसभा निवडणूकीचे वेळापत्रक आज शुक्रवार (दि.16) दुपारी 3 वाजता जाहीर करणार असल्याचे केंद्रीय निवडणूक आयोगाने माहिती दिली.
देशातील जम्मू काश्मिर, हरियाणा या राज्यातील निवडणूकीचे वेळापत्रक निश्चित जाहीर होणार असून झारखंड व महाराष्ट्र राज्यातही निवडणूक होणार असल्याने राज्यातील जनतेचे व राजकीय पक्षांचे लक्ष लागून आहे. महाराष्ट्रात येत्या दोन महिन्यात विधानसभेची निवडणूक होऊ घातली आहे.
केंद्रीय निवडणूक आयोगाने तयारी केली असून जम्मू काश्मिर, हरियाणा या दोन राज्यातील निवडणूकीचे वेळापत्रक आज जाहीर करणार असल्याची माहिती दिली आहे. मात्र, याच वेळी झारखंड व महाराष्ट्रातील निवडणूकीचा कार्यक्रम जाहीर होण्याची शक्यता वर्तवली जात आहे.
